Kynngimögnuð Smásaga í Litum og Panavision.

par“Æ, ég er alveg að gefast upp á þessu.” Sagði Guðríður og lagði frá sér nýstrandað farþegaskipið.

Mjölnir leit upp og kláraði kartöfluuppskeruna um leið og hann réri yfir Kyrrahafið á sefbát. :”Hvað er að angra þig elskan? Spurði hann og framleiddi sjónvarpsþátt um hlaupfiska.

 Æ, ég veit það ekki.” Svaraði Guðrún og  jarðaði sendimenn byggingaeftirlitsins í kotru. “Það er bara eitthvað svo tilbreytingarlaust hér.”

Mjölnir umturnaði fjármálaheiminum hugsi.  “Hefur það eitthvað með mig að gera?  Ég játa að ég gæti vafalaust verið margbrotnari í samskiptum mínum við yður, elskan.”  Hann hlammaði sér vonsvikinn niður og gerði upp þotuhreyfilinn sem hann hafði unnið í glímu eftir að  hann hafði lokið við að flytja Andesfjöllin.

 

kona“Nei, nei,  ekki þú elskan. Þetta er bara einhver efnaskiptasjúkdómur í mér eða breytingaskeið.” Sagði Guðrún skellihlæjandi og virkjaði Víðidalsá.  “Þetta dettur svona yfir mig stundum.  Fyrirgefðu.”

 Mjölnir sýtti tannleysið og lagði fram breytingatillögu um skipan öryggisráðsins, svona til að dreifa athyglinni frá brennandi trésmíðaverkstæðinu.  “Ekkert að fyrirgefa elskan.  Ég verð sjálfur svona um hver tunglkvartil.” 

öðruvísiÞau brostu og eyddu miðunum umhverfis landið með eitruðum þörungum, ánægð með hve olíuboranir þeirra á heimskautaísnum virtust takast vel. Það gat stundum borgað sig að leggja fram byltingakenndar kenningar í kjarneðlisfræði.


« Síðasta færsla | Næsta færsla »

Athugasemdir

1 Smámynd: Jens Guð

  Svona sögu kann ég vel að meta.  Snilld!

Jens Guð, 24.7.2007 kl. 03:10

2 Smámynd: Gunnar Páll Gunnarsson

Myndirnar tala líka sínu máli.

Kveðjur  

Gunnar Páll Gunnarsson, 24.7.2007 kl. 08:22

3 Smámynd: Katrín Snæhólm Baldursdóttir

Svona á fólk að vera..ekkert að slóra við einfalda hluti. Óborganleg saga Jón Steinar..maður á fullt í fangi að framkalla þessar ímyndir í kollinum..eru svo "stórbrotnar" eitthvað.

Katrín Snæhólm Baldursdóttir, 24.7.2007 kl. 08:23

4 Smámynd: Elín Arnar

Frábær saga

Elín Arnar, 24.7.2007 kl. 10:21

5 Smámynd: Steinunn Helga Sigurðardóttir

frábær saga á mörgum plönum !

myndirnar eru líka góðar !

Alheimsljós til þín

steina 

Steinunn Helga Sigurðardóttir, 24.7.2007 kl. 10:22

6 Smámynd: Anna Einarsdóttir

Þú hugsar stórt

Anna Einarsdóttir, 24.7.2007 kl. 10:40

7 identicon

Ég sé að þú ert með  "NovelMaker 4.5" og hefur kveikt á nýja "wonderbreaker" fídusnum.....þulan ætti að fara að uppfæra sína útgáfu og skipta um nokkra klám parametra...

Annars flott hjá þér :)

kv,

E. 

eman (IP-tala skráð) 24.7.2007 kl. 10:55

8 Smámynd: Jón Steinar Ragnarsson

Takk.  Hugmyndin kviknaði um daginn við að heyra einhverja miðdegissöguna á Gufunni. Fólkið var að tala um hversdagslega hluti um leið og það var að gera eða sýna þessi reiðinnar býsn.  Þetta er svona hefðbundinn frásagnarmáti, sem getur orðið svo skringilega leiðinlegur og absúrd.  Ég hefði máske átt að hafa þetta lengra og láta Sigurð Skúlason lesa þetta.  Þá hefði þetta orðið fullkomlega boring og tilgangslaust.

Jón Steinar Ragnarsson, 24.7.2007 kl. 11:56

9 Smámynd: Hrönn Sigurðardóttir

nefnilega.....

Hrönn Sigurðardóttir, 24.7.2007 kl. 12:56

10 Smámynd: Gunnar Helgi Eysteinsson

Þetta er gargandi snilld... bravó!

Gunnar Helgi Eysteinsson, 24.7.2007 kl. 13:05

11 Smámynd: Þorkell Sigurjónsson

Jón Steinar. Gargandi snilld, frábær saga, óborganleg saga, svona sögu kann ég að meta. Snilld. - Þetta eru nokkrar af umsögnum um nýjustu söguna þína og get ég einnig tekið undir þær. En það er annað sem mér kom í hug þar sem nú með stuttu millibili hafa birst sérstæðar sögur og ágætar,  eftir þig og félaga þinn Jens Guð, datt mér í hug hvort ekki væri hægt að kom af stað smá keppni á milli ykkar félaganna um bestu söguna, þar sem við aðdáendur ykkar yrðum dómarar?  Hvernig taka bloggarar þeirri hugmynd?

Þorkell Sigurjónsson, 24.7.2007 kl. 14:16

12 Smámynd: Jón Steinar Ragnarsson

Jens á ekki séns í mig Þorkell.

Jón Steinar Ragnarsson, 24.7.2007 kl. 14:23

13 Smámynd: Ellý Ármannsdóttir

meira svona...

Ellý Ármannsdóttir, 24.7.2007 kl. 20:40

14 Smámynd: Gunnar Helgi Eysteinsson

Þorkell: Góð hugmynd!

Gunnar Helgi Eysteinsson, 24.7.2007 kl. 21:00

15 Smámynd: Hólmgeir Karlsson

Hér sýnir þú á þér enn eina snilldarhliðina félagi :)  .... mætti halda að þú hafir nýlega "kúldrast í loftlausu röri um háloftin" til að fá svona hugmynd, he he :)

Hólmgeir Karlsson, 24.7.2007 kl. 21:00

16 Smámynd: Jón Steinar Ragnarsson

Ég er hissa á lofinu en gaman að fólki er skemmt. Til þess var leikurinn gerður.    Þetta var nú sett niður leiréttingarlaust á 10  mínútum með myndleit og öllu.  Maður roðnar af blygðun, þegar bloggskáld á borð við þig Ellý, heiðra bloggkot mitt með viðkomu.  Ekki laust við ákveðinn stílrænan skyldleika hjá okkur ef maður pælir í því.Takk fyrir innlitið og þið öll.

Jón Steinar Ragnarsson, 24.7.2007 kl. 23:31

17 Smámynd: Róbert Björnsson

Skemmtilega súrrealískur húmör!

Róbert Björnsson, 25.7.2007 kl. 00:33

18 Smámynd: Ívar Pálsson

Gaman að þessu, hrátt og ferskt beint úr kvörninni og síðan sundurgreint af gagnrýnendunum næstu daga og ár!

Ívar Pálsson, 25.7.2007 kl. 17:03

19 Smámynd: Jón Steinar Ragnarsson

Sara: Myndirnar eru bara plokkaðar af google með einföldum leitarorðum. Þessar t.d. "Woman art" - "Man Art"- "Couple art".  Gott er að setja Art á eftir leitarorðinu, þá fær maður frekar málverk og teikningar. Einnig er illustration ágætt.

Jón Steinar Ragnarsson, 25.7.2007 kl. 19:19

20 Smámynd: Sigurjón Þórðarson

Ég þakka fyrir sögunua en hún er svo sannarlega kynngimögnuð.

Sigurjón Þórðarson, 25.7.2007 kl. 20:02

21 Smámynd: G.Helga Ingadóttir

Já, hver er við stjórnvölinn, ÞAÐ ER NÚ STÓRA SPURNINGIN?

G.Helga Ingadóttir, 25.7.2007 kl. 23:37

22 Smámynd: G.Helga Ingadóttir

Skemmti mér vel við lesninguna og finnst hugmyndaflug þitt taka lesandandann inn í heim, þar sem allt getur gerst. Takk fyrir umsögnina um heimasíðuna okkar í Eldató og endilega kynntu þig fyrir mér, þegar að þu kemur við hjá okkur, myndin af þér er frekar óskýr, ha,ha......

G.Helga Ingadóttir, 25.7.2007 kl. 23:40

23 Smámynd: Steingrímur Helgason

Jamm, þetta er nákvæmilega ástæðan fyrir okkar blogglega frændsgab & ég er alltaf jafn stoltur af því að vera minnimáttar í honum.

S.

Steingrímur Helgason, 26.7.2007 kl. 00:24

24 Smámynd: Jón Steinar Ragnarsson

Ég er kominn á Sigló aftur Steini.  Stoppa styttra núna 1-2 vikur kannski. Maður nær kannski bollanum á heimleiðinni. Væri stuð.

Jón Steinar Ragnarsson, 26.7.2007 kl. 00:27

25 Smámynd: Steinunn Ólína Þorsteinsdóttir

Þetta minnir mig oneitanlega a forrit sem eg keypti handa dætrum minum þar sem sagan liggur fyrir að  storum hluta og aðeins eftir að velja nafnorð og lysingarorð.

maður bætir þeim inn eftir geðþotta og þa verður til svona absurd saga...

 skemmtilegt...

Steinunn Ólína Þorsteinsdóttir, 26.7.2007 kl. 02:19

26 Smámynd: Margrét M

þetta er snilldar saga ....ótrúlegt ýmindunarafl 

Margrét M, 26.7.2007 kl. 09:22

27 Smámynd: Ingibjörg Friðriksdóttir

Má ég ekki leika Guðrúnu?  Takk kærlega fyrir upplýsingarnar. Það vermir að til séu menn eins og þú, skapandi og gefandi í senn.

Ingibjörg Friðriksdóttir, 26.7.2007 kl. 14:02

28 Smámynd: Ásgeir Rúnar Helgason

Árla morguns risu úr rekkjuregin mistök Skaparanns.Orsök einhverrar skondinnar skekkjuskemmtana miðlunar rafheilans:

Ásgeir Rúnar Helgason, 26.7.2007 kl. 20:56

29 Smámynd: Ásgeir Rúnar Helgason

Sorrý, formið er ekki rétt - vonandi er það betra núna:

--------------------------------------------

 Árla morguns risu úr rekkju,

 

regin mistök Skaparanns.

 

orsök einhverrar skelfingar skekkju,

 

skemmtanna miðlunar rafheilans.


 

Ásgeir Rúnar Helgason, 26.7.2007 kl. 20:59

30 Smámynd: Jón Steinar Ragnarsson

Takk fyrir þetta Ásgeir. Hér er þó engin rafheili á ferð heldur gamli góði súrkeppurinn á háaloftinu. Einhver eftirgerjun í gangi máske.

Jón Steinar Ragnarsson, 26.7.2007 kl. 22:21

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband